Բարությունը մարդկանց երջանկացնում է

Նույնիսկ բարության աննշան ցուցադրումը մարդկանց երջանկացնում է: Այս եզրակացության են հանգել ուսումնասիրողները: Նրանք 20 տարիների ընթացքում ուսումնասիրել են երջանկության ֆենոմենը: Պարզվել է, որ դրական գործողությունները նպաստում են դրական զգացմունքների, մտքերի և վարքի առաջացմանը. արդյունքում բարելավվում է նաև սեփական ինքազգացողությունը: 

Կալիֆոռնիայի համալսարանի գիտնականների շնորհիվ մարդիկ կարող են փոխել իրենց մտածողությունը և երջանիկ կյանքի հանդեպ վերաբերմունքը: 

Վերջին ուսումնասիրությունները ցույց են տվել, որ կա երջանկության միայն մեկ բաղադրատոմս՝ բարությունը: Բազմազանություն, հաճախականություն և մոտիվացիա. այս ամենը իրենց դերն են խաղում: Բավական է բարություն անել գոնե շաբաթական մեկ անգամ: Բարի գործերը պետք է սովորական դառնան, ինչպես հեռուստացույց դիտելը կամ ընտանեկան ընթրիքը: Արդյունքում այս ամենը սեփական երջանկություն կդառնան: 

Ուսումնասիրությունների ժամանակ մարդիկ 10 շաբաթ շարունակ բարի գործեր են արել: Ընդ որում՝ այդ գործերը կարող են ինչպես միանման, այնպես էլ բազմազան լինել: 

Արդյունքում նրանց կյանքը փոխվել է դեպի լավը: Բարի գործերը օգնում են նաև ամրապնդել սոցիալական կապերը: Եվ մարդը ինչքան շատ ընկերներ ունի, այնքան մեծ է նրա երջանիկ լինելու հավանականությունը:

Հարցեր, պատասխաններ, մեկնաբանություններ